Terubah, ka minta ampun nyema bisi salah jaku, tekeranjur sebut ti nyangkut ba idup sapa-sapa..
Semua utai ke ditusui aku tu, semua datai ari runding serta ari asai nda puas ati aku empu..
Mayuh rayat kitai di Malaysia, kelebih agi bansa kitai dayak empai nemu reti "perintah"..
Perintah tu siti organisasi ti sah, ti bulih sukung ari rayat nengah atur ngundi serta bulih majoriti sukung ari rayat nda ngira menang ba majoriti mimit..
Suah udah aku ninga ari sida ke tuai, sida ke dulu makai garam ba dunya tu madah ke pama ya perintah sigi Barisan..Enti bisi parti bukai semua nya penyakal..
Anang saru ba utai tu kitai, nda milih parti politik, semua ulih nyadi perintah enti sida menang majoriti kerusi ba atur bepilih.
.Ambi ke banding ba menua Selangor, Pulau Pinang, Kelantan enggau menua Kedah, perintah ba semua negeri tu ianya ari Pakatan Rakyat, lalu BN nyadi penyakal..Nya alai,salah udu penemu enti mina BN aja ulih nyadi perintah.. ba menua kitai sarawak, bala dayak agi ngembuan runding ke bakanya pasal penemu sapa ke nyadi perintah..
Diatu aku deka nyebut pasal sikap bala yb kitai bansa dayak ke bisi ba sarawak nda milih nya penyakal tauke sida ari BN.. Ba runding aku, agi empai bisi siku yb kitai sanggup belaya ngau ketuai ketegal deka ngetan ke rayat..
Mayuh agi ke nyadi pak turut laban nangi ke dibuai pangkat.. Anang kita bala yb nda ingat, kita semua nyadi yb semua ketegal rayat..nyema rayat nda nyukung, sigi gerenti kita ndai nyadi yb..
Nya alai, naka alah kita mantu, meransang bala kitai dayak ambi berubah nuju pemansang..
Diatu mayuh ndar skim nanam sawit peda aku, tang lalu bedau ga bala kitai dayak udah kaya nanam sawit..Enda ga aku nemu, keni ke utai tu tau nyadi...ka ngumbai nda untung, suah ga didinga & dipeda ba tv madah ke sawit tu meri penguntung..
Uji bala yb enggau menteri menua sarawak tu nguji cara baru kena meransang bala dayak tu ka enggau ngaga bisnes, nda milih nya nyual keropok, nyual ikan, nupi babi, nupi manuk..asal meh bisi kena sida ngidup ke diri.,.
Siti trend politik ba sarawak tu peda kau ianya, mayuh agi projek diberi enti lebuh maya ka bepilih..madah meri tu, meri nya meh bala yb maya bekimpin..andal ga ati sekeda rayat ka bulih projek, tang bisi ga semina danji bula..
